عارف انت كنت اقرب منى ليا

كنت بسمه جايه طايره فى يوم عليا
كنت اقرب حد منى واقرب حد ليا
كنت غير كل البشر

عارف انت كل يوم بشتاق وافكر ازاى بقيت مش هنا

ازاى نسينا
ازاى قسينا
ازاى مشينا
ازاى رضينا
ازاى وصلنا للى عمر ما كان فى يوم يخطر فى بالنا

عارف انت كتير بكون عاوزاك هنا

كتير بكون كرهاك انا
كتير ساعات بشتاق للحظه ننسى بيها كل الى فات
كتير بقول لو بس كان
كتير ساعات بلعن انا كل الحاجات 

اوقات كدا توحشنى جدا
                                  واشتاق لصوتك اشتاق لكلمه من شفايفك

اوقات بكون عاوزاك هنا
                                 اشتاق لنظره من عيونك تمحى عنى كتير حاجات جوايا بعدك

اوقات اتوه وارجع ليوم عشناه بفطره بنيه صافيه ان عمر ما يوم هنبعد
                                 
                                     فشتاق تجينى تداوى جرحى بكلمه واحده اصلك تملى عارف وحاسس كل الى بيا والى فيا بتوصفه

اوقات بيوحشنى السلام كل الكلام واقول يارتنى وانده عليك يرجعلى صوتى يقول خلاص كل الى بنا راح خلاص كل الى كان ولا يوم هيرجع
                                       
                                     فشتاق اوووى واحزن كمان وبقول كفايه تكون بخير وتكون سعيد اصلك زمان فرحت قلبى ومليت حياتى بذكريات

مهما تغيب ولا يوم هتبعد اصلك هنا عايش تملى فكل حاجه اصلك زمان سيبت فى حياتى كل حاجه كان نفسى فيها ازاى بقى هنساك انا او يوم تغيب عن بالى لحظه

وبتفهمينى ازاى كدا وبتوصفينى فى كلمه واحده
وبتقدرى ازاى كدا تشيلى عنى هموم سنينى
وبتعرفى ازاى كدا تخلى صوت الضحكه طالع من صميمى
وبتسرقى قلبى انا وتدوبينى
وبتخطفينى لدنيا تانيه انتى فيها بتملكينى
وخليتينى ليه كدا من غير هواكى ضايع انا تايه تملى فى سكه فاضيه

يالى انتى حبك دنيا حلوه اوعدينى تعيش جمبى طول سنينى تعوضينى عمر فات من غير هواكى معشتهوش

مشتاقه ليك

بشتاق لضمه من ايديك
بشتاق لهمسه من شفايفك
بشتاق لنظره من عنيك
بشتاق انا لحياتى جمبك
بشتاق لضمه جوه حضنك
بشتاق تكون منى قريب
بشتاق يدوبنى الحنين وانا بين ايديك

بعند انا مع روحى دايما
بفرض حاجات بكرها جدا
بفرض سكات مليااااااااااان كلام
بقبل حاجات بتملى قلبى كتيييييييييير الام
بقول نسيت ولا عمرى بنسى
بقول خلاص ايام زمان راحت خلاص واكدب انا
بقول مفيش ولا ذكره باقيه وقلبى فاكر كل الى فات ... لا وعاوز ناس زمان  ,احساس زمان وخوف زمان

رافضاك انا

رافضه حبك
رافضه شوقك
رافضه همسك
رافضه صوت الحنين فى نبضك

رافضاك انا

رافضه صورتى الى فى عيونك
رافضه اسلوبك فى حبك
رافضه تعبيرك لشوقك
رافضه  كلمة طالعه منك ليها معنى غير بحبك

رافضاك انا

افهم بقى قلبى عاوزك
عاوز حنانك
عاوز امانك
عاوزك بحبك
عاوزك برئ
عاوزك سند بتخاف عليه

ايوه ببعد

حساك بعيد عنى غريب

بشتاق اوووى
بحتاج انا تكون قريب منى انا
بحتاج ساعات لساعات لقى

ايوه ببعد


اوقات بياخدنى الحنين لسنين زمان ,ايام زمان ,اصحاب زمان
اوقات بيوجعنى البعاد واصرخ انا
اوقات بيكسرنى السكات وارفض انا كل الى جاى

ايوه ببعد

مليت انا
مليت سنين هتضيع هوا
مليت وشوش بتواسى دايما
مليت كلام مضمونه يمكن مضمونه جايز بكره احلى
مليت خلاص
قلبى انا مليان كلام مليان عتاب
قلبى تعب حلمه بسيط يعيش حياه زى الحياه