بقولهالك كتير لكن تملى كلامى مش واصل ... واقولك انى بحتاجك وانى تملى واحشانى لفين واخدانى مش عارف لكن مبسوط ومش خايف ...

جايز ما بينا كتييير فاصل ... جايز حنانى ميوصلكيش كتير قلبى يفارقنى يعاندنى يروح عندك ميرجعليش ...

جايز بحبك دى متكفيش ...

لكنى بحب ... وحبى ليكى شئ رافض يكون جايز

انــــــــا بيكى بكون شايف ياريتك تبقى شايفانى ... ياريتك تبقى حاسانى ...

 ...يــا نجمة تملى نور ضيك بيملانى انــــــ عاشـق ــــــا ياريتك تبقى سامعانى 

عارف انت مرة واحده يملاك كلام وحاجات كتييير , وتحس فجاة بكل شئ , وتتوه ساعات وسط الحاجات وسط الكلام وسط الامال وتفوق هوى تلقاك جبان رافض تقول كل الى بيك رافض تبين فرحتك رافض تاكد فكرتك رافض كمان انك تحس بفرحتك

جوايـــــــــــا

جوايا لوم  جوا منى كتير عتاب ...
جوايا خوف وكتير كلام ضمن السكات ...
جوايا شوق لحاجات خلاص ضمن الى فات ...
جوايا لسه ليك مكان ... 

بسكـــت

بسكت كتييييييييير رغم الكلام رغم الالم رغم الحنين رغم الشجن
بسكت عشان كتير كلامى بيكون حاجات ولا ليها معنى ولا اى لازمه غير انها بتقول حاجات احسن تكون ضمن السكات
بسكت انا لكن بكون جوايا شوق جوايا لوم واكون هموووووت واصرخ واقول لكن كلامى جوايا ساكن رافض فى يوم انه يغادر
بسكت كمان واكتم انا ويزيد كلامى جوا منى ويزيد عتابى ليك لكنى مملكش غير صمتى انا

بسكت عشان صمتى الامان لقلبى انا

هو احنا ليـــــــــــــــــــــــــــــــــه!!!

هو احنا ليه زاد البعاد ,زاد العناد, زاد العتاب, قل اللقاء, قل الكلام, زاد الالم
هو احنا ليه اسهل طريق بنمشى فيه بٌعد وامال بتروح هدر ايااااااااااااااااااااااااااام كتير ولا ليها ذكرا فى قلبنا
بنبيع هوا بنسيب قوووى نبعد كمان عن بعضنا !!!!!!!!
هو احنا ليه دايما نهايه حلمنا حيرة وحاجات تفضل تنزل دمعنا
هو احنا ليه بنعيش حكاية حبنا سجن والم ومستحيل وازاى يكون
هو احنا ليه رافضين نحاول رافضين نساعد نفسنا رافضين نقول لنفسنا ان المهم نفضل نكون مع بعضنا
هو احنا ليه اصعب طريق بيكون تملى ان احنا نفضل ان احنا نتمسك نكون مع بعضنا !!!!!!!!!!!!!!!!!

تسمحيلى

تسمحيلى اقول كفايه
تسمحيلى اثور عليكى
تسمحيلى ارفضك واقول لقلبى يطردك
تسمحيلى اقول وافضفض على بيا من سنين
طب تسمحيلى اجى اقولك ان بعدك صحى فيا حاجات كتير
ايووووووووة بعدك قالى فوق دا انت ليها شئ ديكور
حبة لايق حبة فاقع حبه مش لازم ديكور

لما تكون محتاجهم ....
صعب تلاقى حد يجيلك

واما تفكر يوم تحكيلهم ....
تعرف انك مهما حكيت وشكيت ولا يوم غيرك انت يحسك

وان فكرت تسيبهم يمكن مرة يحسو بجرحك ....
تعرف يومها لو ضيعت سنينك عمرك كله ولا راح يوم هيحسو بقلبك

تسكت خالص تفضل تسال نفسك ياااااااااااااه قال وانا كنت فاكرهم ليا اقرب ناس ....
تضحك قوووووووووووى على نفسك يومها اصلك كنت فاكرهم هما اعز الناس