عارف لما اتكلم معاها احكى افضفض على بيا
ببقى طاير حاسس بإنى فى دنيا تانيه
عارف كسوفها ،لخبطتها لو جيت فى مره وقلت حاجه
خدودها دى بتبقى حمرا يالهوى ببقى مش عارف ساعتها انا اعمل ايه
عارف لما تيجى تقلها انك معها بتبقى احسن
تيجى عيونها وقتها تقولك بحبك
عارف بقى لو جيت وقلت معاكى بحزن
تكون دمعها وقتها على خدها وهى بتضحك
عارف ساعات اقول هى الحياة من غيرها كان ايه شكلها
ضحكتها ،صوتها ،همسها حتى سكوتها بيبقى غير
عارف كتير بشتاق لها وابقى مش عاوز اقول
اوقات كتير اروح اكلمها واقول انى خلاص هصرخلها بحبها بحبها
واضحك واقول مجنون انا ، بس الجنون فى حبها احسن جنون
عارف انت اوقات كتير ببقى محتاج لها
محتاج وجودها محتاج لنورها لضيها
ولا اقولك عارف انت لحظه الدفئ الى بتحسه لما تشرب حاجه سخنة هى دى لحظه شعورى لما بسرح لما افكر فى حبها
عارف ولا مش عارف بقى المهم فى حبها انا ببقى حاسس نفسى عايش حياة مفيش ابدا زيها
